وتعالي دلوقتي نعرف إزاي ممكن إنك تعملي إكسسوار لنفسك ولبيتك؟!
تعالي نعرف مع بعض الأول إزاي ممكن إنك تعملي إكسسوار لنفسك وعلى فكرة الإكسسوار ده شكله حلو ومناسب جدًّا للمصيف والبلاج ومش هيكلفك حاجة خالص لأن خامته موجودة عندك في البيت تعالي نشوف ازاي
كل اللي هتحتاجيه
• أستك أو خيط مطاط
• إبرة
• مقص
• مجموعة من الزراير الملونة وبأشكال مختلفة
الخطواتالخطوة الأولىالخطوة الثانية
مرري الاستك من خلال ثقبين كل زرار بمساعدة الإبرة وخدي بالك أنك لو مررتي الاستك من خلال ثقب واحد الزراير هتكون بشكل معوج لما تلبسيها وهتبقى شكلها مش حلو.الخطوة الثالثة
خلي في نص الأسورة زرار كبير أو شكل مختلف عن الباقي وعلى فكرة ممكن أنك ترتبي الأسورة بالشكل اللي يعجبك وبألوان على ذوقك. وده الشكل النهائي اللي هتلاقيه
إزاي تعملي من تي شيرت مخدة
لو عندك تي شيرت قديم صغر عليكي أو لونه بهت من كتر الغسيل أوعي ترميه تعالي نعمل بيه مخدة حلوة تنفع إكسسوار لأوضة نومك مستغربيش قوي كده المخدة اللي هنعملها سهلة أوي ومش هتأخد منك وقت..كل اللي هتحتاجيه
• أي تي شيرت قديم عندك
• قطن
• إبرة
• خيط بلون التي شيرتالخطوات
الخطوة الأولى
هتفردي التي شيرت على الترابيزة وبعدين هتبدئي تخيطي التي شيرت من الأمام والخلف والكمام بحيث إنك تقفلي كل الفتحات اللي فيه ما عدا منطقة الرقبة هتسبيها مفتوحة.الخطوة الثانية
ابدئي في حشو التي شيرت بالقطن لحد ما يتملئ ويدي شكل المخدة.الخطوة الثالثة
خيطي فتحة الرقبة ولمظهر جميل ممكن تركبي في التي شيرت زراير ملونة.بس كده خلاص خلص درسنا النهارده
ياللا بسرعة طبقيه عملي
_________________
موضوع: درس خصوصي 3 
الجمعة أغسطس 01, 2008 10:09 am
