درس خصوصي

**Samar** · موضوع: درس خصوصي الجمعة أغسطس 01, 2008 10:02 am

نفسك تعملي حاجة بنفسك وبإيدك

وكل اللي يشوفها يقول لك: الله جايبة الحاجة الحلوة دي منين؟ قولي لنا علشان نجيب زيها..

وأنت تردي بمنتهى التناكة وتقولي:

صنع إيديا وحياة عينيا ...

أكيد طبعا نفسك في كده

وعلشان إحنا عارفين
إنك نفسك في كده..

قررنا إننا نخصص لك الموضوع دة كله علشان نقولك على بعض الأفكار البسيطة لحاجات تعمليها بنفسك وبإيدك...

واهو منها تسلي وقت فراغك في الإجازة في حاجة مفيدة وتوفّري فلوسك بدل ما تشتري الحاجة دي من بره خاصة إن اليومين دول الأسعار بقت نار

وعلى فكرة الحاجات اللي هنقولك عليها علشان تعمليها دي مكوناتها سهلة وبسيطة جدا وهتلاقيها موجودة عندك في البيت...

تعالي نشوف هنعمل ايه

_________________

**Samar** · موضوع: رد: درس خصوصي الجمعة أغسطس 01, 2008 10:04 am

أول حاجة هنعرفها النهار ده هي إزاي تعملي شنطة للبلاج بنفسك شكلها جديد غير باقي الشنط اللي بتشوفها وكمان مفيدة تحطي فيها كل حاجاتك وأنت رايحة البلاج أو النادي وده لأن حجمها هيكون كبير وبياخد كل حاجة بتستخدميها على البلاج أو في النادي..

تعالي نشوف ازاي
كل اللي هتحتاجيه

• فوطة بحر كبيرة أو باشكير
• فوطة تانية متوسطة الحجم
• خيط ملون بلون يكون مناسب للفوطة
• مقص

الخطوات
الخطوة الأولى

هاتي الفوطتين وافرديهم جنب بعض على الترابيزة.

الخطوة الثانية

قسمي الفوطة الصغيرة على ثلاثة أجزاء بس خلي جزئين منهم يكونوا قد بعض؛ لأن دول هنستخدمهم كإيد للشنطة والجزء الثالث يكون أكبرهم.

الخطوة الثالثة

هاتي الجزء الكبير من الفوطة الصغيرة اللي قصتيها وخيطيه على طرف الفوطة الكبيرة بس خدي بالك إنك هتخيطها من ثلاثة جوانب من على الجنبين ومن الأسفل زي ما هو موجود في الصورة.

الخطوة الرابعة

هاتي الجزئين الصغيرين من الفوطة الصغيرة وخيطي واحدة منهم بشكل قوس على الفوطة الصغيرة والتانية بنفس الشكل بس هتخيطيها على فوطة البحر نفسها؛ لأن دول هيكونوا إيد الشنطة.

الخطوة الخامسة

دلوقتي مش ناقص غير أهم خطوة وهي إنك تطبقيها بالشكل الصح الأول هنطبق فوطة البحر نصفين وبعدين هنقلب الفوطة الصغيرة على ظهرها بحيث إن باقي الفوطة هيكون جوه.

وده الشكل النهائي اللي هتلاقيه

طبعًا فيه سؤال بيدور في بالك دلوقتي وهو إن الفوطة ممكن تتبل وأنا قاعدة على الشاطئ يبقى ازاي أحط فيها حاجاتي؟؟
بس خلينا نقولك إن حاجات البلاج دايمًا بتتبل حتى في الشنط العادية ودي حاجة طبيعية جدًّا وعادة أنت بتحطي في شنطة البلاج حاجات بسيطة ومعظمها بيكون في علب زي كريمات الشمس ودي مش بيحصل لها حاجة وعلى فكرة ممكن لما تروحي البيت تفردي الفوطة دي وتغسليها وتسيبيها تنشف وأنت خلاص عرفتي إزاي ترجعيها شنطة تاني.

وتعالي نعرف دلوقتي ازاي تعملي من البنطلون الجينز القديم جيب جديدة..

_________________

**fleuritta** · موضوع: رد: درس خصوصي الجمعة سبتمبر 12, 2008 4:21 am

شكــــــــــــــــــــــــــــــــــــــــــرا جزيلا حبيبتي على الفوائد
دمت بخير

_________________
..........